好多人都会为自己定下一啲择偶条件，不过好多时大家都会发现理想中慨伴侣同现实慨，有一定差距，揾到之后，有时都唔确定对方系咪就系适合慨人。其实对于大部分人来讲，最渴望慨系对方同时系伴侣又系soulmate(灵魂伴侣),至于点为之系soulmate,从旅行相处慨细节都可以睇到，好似以下呢6点。
1.做返自己无难度
每个人系面对其他人时点都会有啲面具，但如果系Soulmate面前，每一分每一秒都唔需要担心渠会因为你慨行为又或者系言语而唔钟意你，因为做返自己先最舒服。
2.沉默不是一个问题
好多时大家都会视沉默为一种尴尬，旅程中怕无话题而担心对方好无瘾，但如果系真正慨Soulmate，大家系会有一种舒适慨沉默，咩都唔讲就咁一齐看世界已经好足够。
3.对你喜好了然于心
如果系Soulmate，大家相处得耐自然会对大家好熟悉，就算唔讲岀口，对方都估到你想去边或想食D咩，默契自然会培养。
4.付岀唔望回报
好多时对人好，我地自然期望对方都对自己咁好，但如果系Soulmate，就唔会视付岀为一种牺牲，不望回报地帮你Book行程或准备旅行细节。
5..无时无刻有安全感
你同渠一齐会好有安全感，你会放心将你自己交比渠，那怕系迷路，渠都有办法解决。呢一种安全感，系Soulmate独有的。
6.不会以关系威胁对方
有啲人系一段关系入面，经常以关系来要求对方更重视自己，为自己付岀，但如果系Soulmate，会好重视呢段关系，唔会吓吓以破坏关系做要胁要求点方点点点，而系尽量做好自己，互相尊重。
